LMC-in Krismas chungchang an rêl

Lunglei Municipal Council (LMC) Board of Councillors (BoC) chu nimin khan an ṭhukhawm a, chairman Lalzuithanga'n a kaihruai. Kumin Krismas atana inbuatsaihna ṭulte ngaihtuah turin LMC Chairman kaihhruai Krismas Bazar Task Force Committee an din.

Ṭhutkhawmah hian kumin Krismas atana inbuatsaihna ṭulte sawiho a ni a; Krismas lawmna atan kawtthler/veng/kâwn chei intihsiak buatsaih an rel a, lawmman atan pakhatna Rs 3,00,000, pahnihna Rs 2,00,000 leh pathumna Rs 1,00,000 bakah, veng pathum tan consolation prize Rs 30,000 ṭheuh pek an rel.

Krismas bazar siam ṭha an ti a, bawhzui turin LMC Chairman kaihhruai Krismas Bazar Task Force Committee an din. Krismas bazar hun laiin lirthei luh theih lohna chin (no vehicle zone) siam ṭha tih an ti a, LMC Traffic and Transport Coordination Committee kutah an dah.