Lungleiah Mizo ṭawng zirho

Art & Culture department leh Mizo Academy of Letters (MAL) Joint Headquarters, Lunglei chuan nimin khan Lungleia Art & Culture Auditorium-ah Mizo ṭawng chungchang zirhona an buatsaih a; MAL member te, tlawmngai pawl hruaitu te, Lungleia college zirlaite leh MJA member-te an tel.

Zirhonaah hian YMA Sub-Headquarters president K Lalfakzuala khuallian a ni a; Lunglei College assistant professor Rochharzela buatsaih 'Mizo ṭawng ṭobul, humhalh leh tihhmasawn' tih te, TC Jonunsanga buatsaih 'Mizo ṭawng nihphung, danglamna leh mawina' tih leh, Vanneihtluanga buatsaih 'Mizo ṭawng leh tunlai thiamna' tih thupuite zirho a ni.