Health Minister-in NEIGRIMS a tlawh

Health & Family Welfare minister Lalrinpuii chuan nimin khan NEIGRIHMS, Shillong a tlawhin, NEIGRIHMS hotute Mizoram sorkar nena thawhdun theih dan tur a sawipui. NEIGRIHMS hi kum tin Mizoram aṭangin damlo 10,000 velin an pan ṭhin anga chhût a nih thu tarlan a ni.

Lalrinpuii hi NEIGRIHMS director Prof. Dr Nalin Mehta leh a thawhpuiten an lo dawngsawng a; Health Minister hian NEIGRIHMS bula NEC fund hmanga damlo te khualbuk tur sak mek a tlawh nghal bawk.

Sorkar thuchhuah tarlan danin, NEIGRIHMS-ah hian kum tin Mizoram aṭangin damlo 10,000 vel an kal ṭhin anga chhût a ni a; NEIGRIHMS rate hi a tlawm avangin Mizo mipui tana ṭangkai zawka NEIGRIHMS nena thawhho theih dan tur kawnga inbiakna neih niin, NEIGRIHMS Director chuan Mizoram official-te nen an lo inbiak nawn tur thu leh, a rang thei ang bera cashless treatment atana empanelment pawh tihfel an lo tum tur thu a sawi.

Health Minister hi MSHCS chief financial officer K Lalnghinglova, Shillong Mizoram House deputy resident commissioner R Lalrinzuali leh Health under secretary H Lalhruaitluanga ten an ṭawiawm a ni.