MIMA-in Mizo hming hawha sumdawng leh foreigner sumdawngte dap chhuah tum

September 24, Nilainia Mizoram Merchant Association (MIMA) leh MIMA Affiliated Association ṭhukhawm chuan, Mizo hming hawha sumdawng leh foreigner sumdawngte dap chhuah ṭha an ti a, hmalak dan an zawng dawn.

Ṭhukhawm chuan Aizawl Municipal Corporation (AMC) leh sumdawngte chu inlungrual taka Mizo hnam, ei leh bar zawnna kawnga inchimralna a thlen loh nan thawkho a kaldun turin an duh a; AMC Licensing Regulations pawh Mizo hnam himna ngei turin siamṭha se an duh. Hemi chungchang hi AMC Mayor sawipui a, hnam himna a awm ngei theih nan kawng zawn zel an tum.

Dan loa hnamdang sumdawngte, Mizo hming hawha sumdawng leh foreigner dan loa sumdawngte dap chhuaha, hmalak dan zawn ni se an ti a, "Mizote mahni in leh sumdawnna hmun kan neihte hnamdang hnena luahtir lo tur leh, Mizo dik tak luahtir hram hram turin kan ngen takzet a ni," an ti.

ILP pek dan pawh fimkhur tak, uluk leh khirh zawka kalpui a nih theih nan hma lak an rel a; sumdawnna kawnga Mizote chim rala an awm lohna tur leh himna a nih theih zawk nana hmala tu tur Adhoc Action Committee an din.