Bial Missions Inkhawmpui hmang

September 25 kha United Pentecostal Church International (UPCI) 'Missionary Day' a ni a; UPC North East India hnuaia pastor bial tinte'n September 25-27, 2026 chhung khan Bial Missions Inkhawmpui an hmang.

UPC NEI hnuaia pastor bial ṭhenkhat chuan September 25, Missionary Day khan chhun aṭangin hun an hmang a; September 26, Inrinni khan bial chhung inawpna bakah, district leh general-a lut turte ngaihtuahin ro an rel. Inkhawmpui hi nizan khan a ṭiak a ni.

Missionary Day hi September 25, 1945-a UPCI din ní behchhanin UPC kohhrante chuan kum tin September 25-ah an hmang ṭhin a; kum 1950 khan India ramah UPC din niin, kum 1969 khan UPC NEI hi din a ni.

UPCI hnuaiah hian ram hrang hrangah kohhran 45,562 awmin, member 61,80,000 vel an awm. UPC NEI hnuaiah district 12 awmin, kohhran 989 leh member 1,23,199 an awm mek a; General Mission department hnuaiah mission field 11 an nei mek.