Mizoram PYD hotute ṭhukhawm

UPC, Mizoram PYD General Board vawi 28-na chu September 26, Inrinni khan Zonuama General Headquarters conference hall-ah an ṭhu a; kum 2029 PYD General Inkhawmpui neihna atan Champhai bial an thlang a, November-a Pathianni hmasa ber ringin General Inkhawmpui neih ṭhin tawh an rel.

PYD General Board-ah hian palai 112 an tel a, PYD hmalakna turte an rel. Kum 2027 General PYD budget atan Rs 2,093,000 an pawm a, kum 2027-28 kumpuan thupui atan 'I rawngbawlna kha hlen rawh' tih an thlang. An rorel zingah ṭhalaite'n print media an ngaih hlut lehzual theih nana hmalak a tel.