Aizawla special drive-ah lirthei 54 man

Aizawl Traffic Police chuan September 25, 2026, Zirtawpni zan khan zankhuain Aizawla hmun hrang hrangah lirthei an endik a, lirthei dan bawhchhia mi 54 an man.

Traffic Police-te'n September 25 zana Zan Special Drive an tih hi zan dar 9-ah an ṭan a, zing khawvar dawn thlengin lirthei an endik. Aizawl khawpui chhunga hmun 10-ah lirthei an endik a, lirthei dan bawhchhia mi 54 man an ni.

Aizawl Traffic Police chuan, lirthei neitu/khalhtute chu lirthei hman leh enkawl danah ṭan la thar turin an chah a, "Kan kawngpui dung a lo him a, thlamuang taka mi tin kan veivah theih nan Zan Special Drive hi a ṭul anga kalpui zel a ni ang," an ti.

Police duty awm remchan lohna hmuna dan bawhchhiatna thlengte chu Traffic Control Room phone number 9366553559 leh 0389-2313061-ah hriattir turin traffic police-te chuan mipui an chah bawk.