MRB branch-te'n din champha lawm

Nimin kha Mizoram Rural Bank (MRB) din champha a ni a, Pathianni a nih avangin MRB branch hrang hrangte chuan September 25, Zirtawpni khan MRB Day an lawm.

MRB branch-te chuan MRB Day pual hian bank leh an customer-te inkara inlaichìnna ṭha zawk siamna hun leh customer-te’n bank chungchanga thurawn an neihte sawihona atan an hmang a; bank-a lêng lutte tan thingpui leh thilpek an buatsaih bawk.

MRB hi September 27, 1983 khan din a ni a, head office pakhat, regional office pahnih leh branch 106 neiin, Mizorama bank zinga inzar pharh zau ber a ni. Tuna Mizoram sorkar flagship programme - Bana Kaih scheme-ah loan pe chhuak ṭha ber niin, September 18, 2026 khan ‘Top Lending Bank Award’ an dawng.

MRB thuchhuah chuan, duhsaka taka MRB dawr ṭhintu mipuite leh sawrkar pisa hrang hrangte chungah an lawm hle tih a tarlang.