Kawnpui VC-II lo zawh rûnpui

Tuirial bialtu MLA K Laldawngliana chuan September 26, Inrinni khan a bial chhunga Darnam (J Lalbiakmuana huan)-ah Kawnpui VC-II buatsaih 'Lo Zawh Rûnpui' a hmanpui.

K Laldawngliana chuan, loneitu hna chu hna zahawm leh fak phu a nih thu sawiin, "Hetiang hun hi kumin anga duhawm leh hlawhtling hian kum dangah pawh chhunzawm zel tlak a ni. Hei hian tourism lamah pawh rahbi pawimawh tak a keng tel a, ram pawn mi leh Zoram mipui tam zawkten he hmun hi an hriat a, mipui tam zawk a hip theih nana hma lak chhunzawm zel hi a ṭha hle," a ti.