Police-te'n hmun 4-ah ruihhlo an man

Mizoram Police chuan tun hnai ni thum chhung khan Mizoram hmun hrang hrangah ruihhlo eng emaw zat an man.

September 27, 2026 chawhnu dar 2:40 khan Saitual police-te chuan Keifang Kualmawiah Brezza car ML-10 C-2213 aṭangin heroin gram 467 an man a, lirthei khalhtu Tongkholun Touthang (39), Teyang, Manipur an man nghal.

Saitual police-te hian September 28 tlai dar 6:12 khan Keifang Kualmawiah vek Thangtinlen Mate (34), Tonglhang, Manipur khalh lirthei aṭangin methamphetamine kg 8.946, morphine cheng vbc 30.87 hû leh heroin gram 50 an man.

Bilkhawthlir police-te leh Kolasib police-te chuan nimin chawhnu dar 2:30 vel khan Assam aṭanga rawn lut lirthei AS-01 SC-9244 chu Bilkhawthlirah lo tidingin, Bilkhawthlir Police Outpost-ah an hruai a, Kolasib police-te an kal bawk. Lirthei an endiknaah heroin báwm (sahbawn báwm) 136 hmu chhuakin an man.

Police-te hian lirthei khalhtu Abdul Ahmed Laskar, Buribali leh a thurualpui Sayed Ahmed Laskar, Barrjatrapur, Cachar district ve ve an man nghal a; Vairengte Police Station-ah thubuai ziah luh a ni.