Lungleiah heroin (no. 4) hâl ral

Lunglei District Disposal Committee (DCC) chuan an chairman Shivam Siddharth, Lunglei SP hoin nimin khan Lunglei AP Tlanga Incinerator Centre-ah heroin (no. 4) gram 81.22 an hâl a, Rs 14,31,800 hû a ni.

Ruihhlo hâlnaah hian SP bakah DCC member - Lunglei SDO (Sadar), Excise & Narcotics Assistant Commissioner leh Lunglei SDPO-te leh policete an tel a; SP hnathawh dan a taka hmuhpui tura 'SP for a Day' hun hmana tel Lungleia pawl 10 leh 12 zirlai panga an tel bawk.

Nimina ruihhlo hâl takte hi Lunglei Judicial Magistrate First Class I-in tihral (pre-trial disposal) phalna a pek tawhte a ni.