Vawiinah faina hnatlangpui

Swachhata Hi Seva kal zelah Urban Development & Poverty Alleviation leh Public Health Engineering department-te bultumin vawiin hian Mizoramah faina hnatlangpui huaihawt a ni dawn.

September 17, 2026 aṭang khan Swachhata Hi Seva (Cleanliness is Service) hman ṭan a ni a, chawlhkar hnih awh niin, October 2, 2026 thleng tur a ni. Hemi puala faina hnatlangpui vawiina neih tur hi zing dar 7:30-ah MINECO pêngṭhuamah a hawnna hun hman a ni dawn a, hawn zawhah department thlan bika thawktute'n MINECO leh a chhehvel an tifai dawn a ni.

Swachhata Hi Seva faina hnatlangpui pual hian veng chhung, mahni in leh a chhehvel, pisa, zirna-in, bazar hmun, tuikhur, mipui punkhawmna hmun leh vantlang inthiarna hmunte tifai turin sorkar chuan mi tin a ngen a; Aizawl chu India rama khawpui fai ber a nih theih nan mahni zâwn ṭheuha theihtawp chhuah turin a ngen bawk.