Ram páwna hnathawhnaa himna sawiho

Mizoram Youth Commission chairman Malsawmzuala Ralte chu September 29, Thawhlehni khan Ratnamouli Palace, Guwahati-a 'Stake Holder Consultation on International Migration & Mobility from India' ah a tel.

Inrâwnkhawmna hi UN Migration, International Organisation for Migration leh Tata Institute of Social Science te buatsaih a ni a; India hmarchhak state-te aṭanga ṭhalai ram danga hna thawk tura kalte himna, tih dan phung ṭha zawk, buaina leh harsatna pumpelh theih dan turte sawiho a ni.

Malsawmzuala Ralte chuan, Mizoram sorkarin Mizo Diaspora Cell a din thu sawiin, "Ram danga Mizo ṭhalai hnathawk leh lehkha zira awm, buaina leh harsatna tâwk, Ministry of External Affairs leh Indian embassy kaltlangin eng emaw zat kan buaipui a, jail aṭanga la chhuak a, Mizorama hruai haw kan neih fo a, Cell-in hma a lakpui mek Mizo ṭhalai harsatna tâwk eng emaw zat an awm," a ti.