Ngopa-ah leiṭha ip 2,639 man a ni

Saitual district magistrate Srinivas Sadi chuan thuchhuah siamin, Saituala Fertilizer Inspector-in September 24, 2026 zan khan Ngopa khuaa Assam Rifles outpost-ah phalna nei lo hnen aṭangin leiṭha (fertilizer - urea) ip 2,639 a man thu leh, Rs 7,04,613 hu a nih thu a tarlang.

Saitual DM chuan leiṭha neitute chu The Essential Commodities Act, 1955 Section 6B tlawhchhanin October 16, 2026 ral hmain a hnena insawifiah turin a hriattir a, "Hun tiam chhunga an rawn inlan lo a nih chuan The Essential Commodities Act, 1955 Section 6A-in thuneihna min pek angin, leiṭhate hi sorkarin rate a siam angin tihral a ni ang," a ti.

Saitual Bawrhsap chuan, The Fertilizer (Movement and Control) Order, 1973 leh The Fertilizer (Control) Order, 1985 hmangin thuneitute phalna nei loa leiṭha siam, kawl, lak luh leh pek chhuah khap tlat a nih thu a tarlang.