Anthurium Festival hman ṭan a ni

Tourism department leh Horticulture department huaihawtin nimin khan Reiek Tourist Resort-ah Anthurium Festival ṭan a ni a, Horticulture minister C Lalsawivunga'n a hawng.

Anthurium Festival October 3, 2026 thleng neih a ni dawn a; hnam lam leh zaite entir a nih bakah, Reiek leh Ailawng ram chhungah trekking, pûka luh, hmanlaia Mizo nunphung lantir, pangpar huan tlawh, nghakual chiah leh thil dang dang tih a ni ang.

C Lalsawivunga chuan, kum 2006-a hman ṭan Anthurium Festival chu kum 2024 leh 2025-ah hman a nih loh hnuah kumin aṭangin hman leh ṭan a nih thu sawiin, hlim leh nuam taka hmang turin mipuite duhsakna a hlan a, "Tourism industry-a eizawngte tan hlâwkna tam tak a thlen ka beisei," a ti.

Horticulture Minister chuan, Anthurium Festival hmangtute hnenah Zo nun ze mawi chi hrang hrante lantir tur leh, faina leh thianghlimna ngai pawimawh turin a chah bawk.