Thla 9 chhungin Hnahthial district-ah thubuai 33 ziak lut

Hnahthial district-ah kumin January-September thla chhung khan dan bawhchhiatna kaihhnawihah thubuai 33 ziah luh a ni a, mi rawk (burglary) thubuai pakua awmin a tam ber.

Nimin khan Mamit SP Manjeet Singh Sankhla kaihhruaiin Hnahthial District Crime Review Meeting neih a ni. Meeting-ah hian kumin January aṭanga September thla chhungin Hnahthial district-ah dan bawhchhiatna chi riat kaihhnawihah thubuai 33 ziah luh a ni a, chu'ng thubuaiah chuan mi 37 man an nih thu tarlan a ni.

Thubuai 33 zingah mi rawk (burglary) thubuai pakua awmin a tam ber a; ruihhlo kaihhnawih (NDPS Act) thubuai, kumtlinglo laka mawi lo taka chetna (POCSO Act) thubuai leh zu khapna (MLP Act) thubuai pali ṭheuh a awm bawk.