Press tour-a kalte Ruatkima'n a vailiam

Mizoram Journalist Asso­ciation (MJA) member mi pakua leh Information & Public Relations (IPR) department officer pathumte Chennai leh Puducherry-a Press Study Tour neia zin turte chu November 9, Inrinni khan IPR minister Lalruatkima'n IPR Directorate kawt aṭangin a vai liam.

Minister Lalruatkima chuan, Press Tour-a kal turte chu nuam tâwl tura kal an ni lo tih inhre tura chahin, "Tunlai khawvelah hmasawnna kawng engkim a zuang a, technology a sang tawh. India ram khawpui upa leh changtlung hmasa zawk Chennai leh Puducherry-ahte pawh thil pawimawh tam tak inzir chhuah ka beisei," a ti a; thil thar leh pawimawh Mizoramin a tih ve theihte zir a, Mizoram mipui leh sorkarin a ṭangkaipui theih tur paw chhuak ngei turin a chah.

Press Study Tour hi No­vember 9-15, 2019 chhunga neih tur a ni a; Mizoram district hrang hrang aṭanga MJA member thlan chhuahte an tel a, IPR depart­ment aṭangin deputy director K Vanlalsangi, IPRO Andrew H Lalremruata, UDC pakhat an tel a ni.

MJA member press tour-a kalte:  A Zotinkhuama (Zoram Voice), K Lalrosanga (ZONET), C Lalhruaitluanga (Highlander), RP Poudel (Mizoram Udhaya), Malsawmdawngzela Hrahsel (Vanglaini), F Lalngaihzuala (JB Cable, Lunglei),  C Rameng­mawia (Lamkal, Serchhip),  M Baithai (Chhim Aw, Siaha), S Lalhmachhuana (Turnipui, Kolasib)-te an ni.

Press Tour-a kalte hi Inrinni vek khan Kolkata aṭanga Chennai pan tur an ni a, mahse, cyclone Bulbul vangin Kolkata aṭanga thlawhna thlawk chhuak tur zawng zawng ṭhulhtir vek a nih avangin vawiin hian Andaman lam 

aṭangin Chennai an pan ang.