Minister-in in chim ṭanpuina hlân

Minister of state Lalnghinglova Hmar chuan October 1, Ningani khan tun hnai ruahsur nasa vanga a bial Aizawl West-II chhunga Dawrpui Vengthara in chimna hmun a tlawh a; in neitu Piangzathanga hnenah ṭanpuina a hlan.

Lalnghinglova Hmar chuan, in chim neitute chu sorkar aṭanga ṭanpuina Rs 1,30,000 pek an nih dawn bakah, puihna awm thei ang ang ngaihtuahpui an nih tur thu a sawi a; in luahtu chhungkaw pahnih hnenah Rs 20,000 ve ve a pek bakah, in chimin a bula in a tihchhiat chhungkaw puih nan Rs 10,000 a hlan. In chim senghawitu hnatlangte tan Dawrpui Vengthar LC hnenah Rs 10,000 a pe bawk.

Piangzathanga in hi September 30, 2026 tlai/zana ruah sur nasa avangin a chim a, bungrua an chuh hman lo a, thi leh hliam erawh an awm lo.