PYD-in Social Work Day an hmang

UPC (NEI) ṭhalai pawl, Pentecostal Youth Department (PYD) chuan nimin khan Mizoram hmun hrang hrangah vantlang tana thil ṭha tihna ni, Social Work Day an hmang.

Aizawlah chuan City PYD Coordination Committee hmalaknain Chite lui dung tihfai hnatlang huaihawt a ni a, Aizawla UPC NEI pastor bial hrang hrang aṭangin PYD member ṭhahnem tak an thawk chhuak. Bethlehem Vengthlang kàiah inkhawm tawi buatsaih a ni a, AMC Ward XIX corporator Dr Lalmalsawma Nghaka'n a hmanpui.

Aizawl City PYD Coordination Committee hi August 22, 2002 khan din a ni a, hemi kum aṭang hian kum tin October 2 hi vantlang tana thil ṭha tihna ni bik atan an hmang ṭhin a ni.