NH-54 kawng siam tur hawng

National Highway-54, Aizawl aṭanga Tuipang thleng siamtu tur ABCI Infrastructure Pvt. Ltd. chuan November 9, Inrinni khan an base camp, Tuipui-D péngah 'Wide­ning and upgradation of NH-54 from Aizawl-Tui­pang Section Package 4, 5 & 6' hlanna leh hawnna hun an hmang a, Lunglei leh Hnahthiala sorkar hotute'n an hmanpui.

Thu dawn danin, NH-54 Aizawl-Tuipang kawngpui laih zauh hna chu ABCI Infrastructure hian an lo ṭan tawh a; mahse, Hnahthiala zangnadawmna la tur zinga la lo chhungkaw pathum vangin an châwl lailâwk rih a ni. NH-54 Aizawl-Tuipang kawng zauh leh siam hna hi hlawm pathum - package 4, 5, leh 6-ah ṭhen a ni a, Hnahthiala Tuipui-D pénga ABCI base camp-ah hian thawktu mi 200 vel an awm a ni.