YMA, Khawthlangtuipui Group hawng

11th November, 2019

YMA Sub-Headquarters, Lunglei hnuaia group ding thar, Khawthlangtuipui Group chu November 9, Inrinni khan hawn a ni. YMA group thar hawnna inkhawm hi Lunglei sub-headquarters YMA president Lalrotluanga leh hruaitu dangte'n an hmanpui.

YMA Khawthlangtuipui Group hawnna inkhawm hi Lunglei sub-headquarters YMA vice president K Lalfakzuala'n a kaihruai a, president Lalrotluanga'n a hawng. YMA group tharah hian hruaitu lailawk (ad hoc) ruat a ni a, group conference neih hma zawng hruaitu hna an chelh ang. YMA Sub-Hqrs. Lunglei chuan Khawthlangtuipui Group YMA ding tharin a mamawh tur thil eng emaw zat an hlan a ni.

Khawthlangtuipui Group hi Lungsen Group aṭanga indang an ni a, Tuichawng lui thlang lam zawnga YMA branch-te a huam dawn a ni. Tun dinhmunah YMA Sub-Headquarters, Lunglei hnuaiah Khawthlangtuipui Group ding thar nen hian group 16 a awm.