Mi kut tawrh vangin Kum 32 mi a thi

Ricky Lalhruaitluanga (32) s/o C Lalthanhliri, Lunglei Rahsi Veng chu mi kut a tawrh avangin nimin chawhma dar 11:18 khan Civil Hospital, Aizawlah a thi.

Lunglei Rahsi Veng aṭanga thu dawn danin, Ricky Lalhruaitluanga hi September 26, 2026 tlai khan Lalthanpuia (23) s/o Lalengmawii, Lunglei Rahsi Veng chuan a lu-ah ṭum eng emaw zat a hnek a ni. A hliam avangin Civil Hospital, Lunglei panpui nghal a ni a, zanah ZMCH panpui niin, ZMCH aṭangin Agape Hospital panpui leh a ni bawk.

Ricky Lalhruaitluanga hi October 2 khan Agape Hospital aṭangin Civil Hospital, Aizawl panpui leh a ni a; ICU-ah dah niin, nimin chawhma dar 11:18 khan a hliam tuar loin a thi. A ruang hi nimin chawhnu khan Lunglei panpui a ni a, nizanah lumen niin, vawiin chhun dar 12-ah vui a ni ang.

Thil thleng chung­changah hian Lunglei Police Station-ah FIR thehluh a ni a, Ricky-a kutthlaktu Lalthanpuia chu thil thlen zan khan police-in an man tawh a ni.