Thiamhnáng tah zirna khâr a ni

Minister of state B Lalchhanzova chuan October 3, Inrinni khan a bial Aizawl East-II chhunga Armed Veng South community hall-ah hmeichhiate tana MLA fund hmanga thiamhnâng tah zirna kharna hun a hmanpui a; thiamhnâng tah chu eizawnna tling a nih mek thu a sawi.

B Lalchhanzova chuan, hnángtah chu upa lamte tih tura ngaihna a awm ṭhin tih sawiin, "Vawiina kan kutchhuakte aṭang hian nuho hian eizawnna tlakin an tah ve thei a ni tih a lang chiang. Khawvel thiamna leh hmasawnna sang zelah hian hnáng tah mawi tak takte hi kan la hmang ṭangkai telh telh dawn a, tih tak taka hma late tan eizawnna tlak a ni chho mek," a ti.

Thiamhnáng tah zirna hi September 2 - October 2, 2026 chhung khan neih a ni a; Armed Veng South-a hmeichhia 15-in hnáng hmanga thil chi hrang hrang tah dan an zir a, trainer Kaphnuni'n a zirtir a ni.