Kolasib-ah Run for Nutrition buatsaih

October 3, Inrinni zing khan Kolasib Sports Stadium-ah Women & Child Development (WCD), Kolasib district buatsaihin Poshan Maah 2026 ‘Run for Nutrition’ neih a ni, a deputy speaker Lalfamkima, bialtu MLA in a hmanpui.

Deputy Speaker chuan, WCD-in Poshan Marathon an buatsaih chu ṭha a tih thu sawiin, "Rilru ṭha leh hrisel nei tur chuan taksa fit leh hrisel neih hmasak a pawimawh. Tun hnaiah ṭhalaite'n hriselna an uar chho zel a lawmawm," a ti.

Lalfamkima Ralte chuan marathon hian ruih theih thil ti ṭhinte pawhin an nunphung thlakin, an tih thinte an sim theih nan kawng a sial theih a beisei tih sawiin, ṭhangtharte tan entawn tlak nih tuma theih tawp chhuaha tan la ho turin kalkhawmte a fuih.

Poshan Maah (Nutritional Month) hi kum tin September thlaah hman ṭhin a ni a, ei tur ṭha leh hrisel inzirtir na hun atan a hman thin a ni.

Poshan Marathon hi mipuite hnen a he programme a alo darh zau zawk na atan a awareness programe atan a hman a ni Kolasib district mipui a tam thei ang berin Poshan Maah nihna leh ei tur ṭha inzirtir leh chhungkaw tinin an lo hriat theihna tur atan an buatsaih.