KHAWTHLIR

MYC pisa tlawh

Chaltlang Higher Secondary School-a Eco Clubs for Mission Life chuan nimin khan zirnaa hmasawnna atan Mizoram youth Commission (MYC) pisa an tlawh. Zirlaite hi MYC chairman Malsawmzuala Ralte leh a thawhpuite'n lo dawngsawngin, an inkâwm. Zirlaite chu tumruhna, thawhrimna, taimakna, time table leh teirei peihna nena inbuatsaih ṭhin turin MYC Chairman chuan a chah.

MISSTA khawmpui

Mizoram Secondary School Teachers’ Association (MISSTA) chuan nimin khan BSI Hall, Aizawlah General Conference vawi 26-na an hmang. MISSTA president C Lalremruata'n thu sawiin, high school provincialise thara headmaster post ruak chu sorkara thawk mekte chanvo tur a nih angin an chan ngei theih nan hma an lak mek thu a sawi. An member thi pasarih sûnna, pension-a chhuak mi 41 thlahna leh state award leh national award dawngte chawimawina hun an hmang bawk.

RTI Week hmang

Kolasib district bawrhsap H Dolianbuaia hoin nimin khan IPR conference hall-ah Right to Information (RTI) Week pualin hun hman a ni a, Serchhipah pawh bawrhsap Paul L Khuma hoin DC Pisapui Hall-ah hman a ni. RTI Week hmannaah hian sorkar department hotu te, MJA member-te leh khawtlang/tlawmngai pawl hruaitute an tel.