Bike-a Gujarat-a kal turte vailiam

Director general of police (DGP) Sharad Agarwal chuan nimin khan Ekta Nagar, Gujarat thlenga kal tur Mizoram Police Motorcycle Rally Team chu Police Headquarters, Aizawl aṭangin a vailiam.

Rally hi Ministry of Home Affairs thupêk angin, Rashtriya Ekta Diwas Parade, 'Ruihhlo Do (Fight Against Drugs)' thupui hmanga buatsaih a ni a; mi pariat telin, team leader chu Khawzawl SDPO Jeremia Vanlalhmachhuana a ni.

Aizawl aṭanga Ekta Nagar, Gujarat thlen nan kilometre 2,900 vel an tlan dawn a; an kalkawngah zirna-inah ruihhlo chungchang inzirtirna (awareness) an buatsaih ṭhin ang.

Guwahati, Assam-ah hmarchhak state danga rally team nen an intawk khawm ang a, chuta ṭang chuan Ekta Nagar, Gujarat panin an kalho ang. October 31, 2026-a Sardar Vallabhbhai Patel pian champha lawmna huna Rashtriya Ekta Diwas Parade-ah an tel dawn a ni.