HIV/AIDS chungchang zirho

Young Women's Christian Association (YWCA) Aizawl leh UPC-NEI General Sunday School department ṭangkawp chuan nimin khan Aizawl East District Conference Hall, Ramhlun South-ah HIV/AIDS chungchang trainers training an buatsaih a; Aizawl khawpui chhunga UPC-NEI hnuaia Sunday School hruaitu leh rawngbawltu thlan bik mi 40 an tel.

Training-ah hian YWCA president Dr A Lalchhandami, MSACS director Dr Jane Ralte, General Sunday School director Rev. Biaksangzuala leh secretary Rev. JH Zahluna ten thu an sawi bakah, mithiamten HIV/AID chungchanga hriat tur pawimawhte an hrilhfiah a; UNAIDS sub-committee chairperson Lalmuanpuii kaihhruaiin sawihona hun an hmang nghal bawk.