Lunglei Municipal Sanitation Committee an ṭhukhawm

Lunglei Municipal Council (LMC) hnuaia Municipal Sanitation Committee (MSC) chu an chairman K Lalrinawma, LMC vice chairman kaihhruaiin nimin khan an ṭhukhawm a; Lunglei Solid Waste Management Centre (SWMC)-I sak mek chu peihfel thuai beisei a nih thu leh SWMC-II sak hna 70% zawh a nih tawh thu tarlan a ni.

Ṭhutkhawmah hian LMC huam-chhunga 'Veng Fai Inelna' kalpui mek chungchang sawiho a ni a; LMC hnuaia local council 24 chu Category-A leh Category-B-ah ṭhenin, fai inelna pual hian Rs 5,00,000 ruahman a ni. Fai inelna hi kalpui mek niin, endiktua ruat Clean Lunglei chuan ṭum hnih endikna an kalpui tawh.

LMC-in faina leh thianghlimna kawnga hmalakna peng khat atana in tina bawlhhlawh bawm an sem kaihhnawihah sem hmabak la awmte chu Ward tinah in awm dan mila sem zai ni se, an ti a; Solid Waste Management Rules 2026-in a sawi anga chi lia bawlhhlawh thliar hran chu Lunglei khawpui bawlhhlawh sawngbawlna tur SWMC-I&II te a taka hman theih a nih hunah chak taka bawhzui tum a nih thu leh tun aṭangin mipuiteah inzirtir chhoh mek a nih thu an sawi.