North East Bankers’ Conclave Mizoramah nghah a ni dawn

Nimin khan chief secretary Khilli Ram Meena kaihhruaiin, October 13, 2026-a Mizo-rama North East Bankers’ Conclave buatsaih dan tur sawiho a ni.

Conclave-ah hian DoNER minister Jyotiraditya Madhavrao Scindia chu khuallian tura beisei niin, Northeast State hrang hrang atanga chief secretary, RBI hotute, state official leh bank hrang hrang aiawhte he hun ah hian tel tura beisei an ni.

North East Bankers’ Conclave 3.0 thleng tura inbuatsaihnaah hian DoNER Minister dawnsawn dan tur leh hmun hrang hranga tlawh turte sawiho a ni. State pawn atanga Conclave chhim tura sawm bikte thlenna tur, chetvelna lirthei ruahman dan leh security ruahman dan turte sawiho a ni bawk.

North East Bankers’ Conclave 3.0 a khuallian hian Mizoram tih hmasawnna tura project 5 hmachhawp kalpui tanna tur lungphum leh project 5 puitlin tawhte hawnna hun hmang turin ruahmanna siam a ni.