In sa laite'n lên zar tur

Aizawl Municipal Corporation (AMC) chuan thuchhuah siamin, AMC huam chhunga in sate chuan an insak laiah len (safety net) zar vek tur a nih thu an tarlang.

Study Team on AMC Building Regulations and SD&SM Regulations rawtna Board of Corporators Meeting-in a pawm angin leh AMC Building Regulations, 2012 in a sawi angin AMC huam chhunga in (permanent leh semi-permanent) sa zawng zawng chuan mipui him nan te, khawpui a lo fai zawk nante leh ṭhenawm khaw vengte tan a hnawksak an nih lohna turin, an insak laiah safety net an zar vek tur a ni tih tarlangin AMC chuan, "Hei bakah hian kawng kam leh footpath-ah te in sakna bungrua tumahin dah hnawk loh tur," an ti.