Ruihhlo leh dan loa thil tawlhrûk man

Assam Rifles leh an thawhpuite chuan October 7 & 8, 2026 khan Mizoram hmun hrang hrangah ruihhlo leh dan loa thil tawlhruk eng emaw zat an man.

AR leh Mizoram Police chuan October 7 khan Selingah dan loa Myanmar aṭanga kuhva rah lak luh nia hriat ip 210 leh poppy seed ip 90 leh, mawhphurtua puh mi pahnih an man a; kuhva rah hi cheng nuai 103 vel leh poppy seed chu cheng nuai 72 vel hùa chhût a ni.

October 7 vek khan Assam Rifles sipaite chuan Serchhip Sailiamkâwnah mi pathum hnen aṭangin heroin gram 54.28 an man a, Serchhip Police Station hnenah an hlan chhawng.

Champhaia AR zipaite chuan October 8, Ningani khan Tlangsam huam chhungah methamphetamine kg 11 an man a, Champhaia Excise & Narcotics department hnenah an hlân.

October 8 vek khan AR leh Mizoram Police mite chuan Selingah car pakhat aṭangin Myanmar aṭanga lak luh nia hriat ram dang meizial báwmpui 263 (tlâwn 1,89,800) an man a, cheng nuai 47.45 vel hùa chhût a ni. Meizial phurtu car khalhtu an man bawk.