State Games technical handbook tlangzarh

Sports & Youth Services minis­ter Robert Romawia Royte chuan, Mizoram State Games atana inkaih­hruaina tur Mizoram State Games Technical Handbook chu nimin khan SYS directorate-ah a tlangzarh.

Tlangzarhna inkhawm hi SYS director Zothanmawia'n a kaihruai a; minister Robert Romawia chuan SYS pisa-a Mizoram State Games bik office tur siam thar a hawng nghal bawk. Mizoram State Games-ah hian inelna chi 32 buatsaih a ni dawn a; chu'ngte chu - aquatics, archery, arm wrestling, athletics, badminton, basketball, body building, boxing, carrom board, chess, cricket, fencing, football, hockey, indigenous games (Mizo infiamna), judo, karate, kick­boxing, motor sports, muaythai, powerlifting, sepaktakraw, shooting, snooker, table tennis, tennis, tug of war (inhruipawh), taekwondo, volleyball, weightlifting, wrestling leh wushu-te a ni.

Intihsiakna tur zingah hian athletics leh indigenous games-te hi a lian zual an ni. Athletics-ah metre 100, 200, 800, 1,500, 5,000 (hmeichhia), 10,000 (mipa) a awm dawn a, high jump, long jump, shotput, discus, javelin-te a awm bawk. Mizo infiamnaah chuan mipa tan insuknawr, inbuan, insaihruipawh, insukherh, sairawkherh perh, khanchhuk invuakthlak leh inkawibah-te a awm dawn a ni.