Tlawng luiah tla hlum

October 10, Inrinni chawhma khan Lalthanmawia (28) h/o Hmangaihsangpuii, Samlukhai, Aizawl district chu Tlawng luiah a tla hlum.

Samlukhai aṭanga thu dawn danin, Lalthanmawia hi a ṭhiante pahnih nen October 10 zingkar khan Tlawng luiah an kal a, chawhma lamah suarah chesualin tuiin a lên a ni. A ṭhiante hian khaw mite an hrilh nghal a, chawhnu dar 2:15 velah a chetsualna aṭanga hla vak loah a ruang hmu a ni.

Samlukhai aṭanga Tlawng lui kalna tawntirh lamah leimin a awm avangin four wheeler a kal thei lo a, hei vang hian Lalthanmawia ruang hi zâwn haw a ni a, km 15 vel zâwn a ni. Inrinni zan khan lumen a ni a, nimin chhun dar 12 khan vui a ni.