KHAWTHLIR

KṬP-in thisen pe

KṬP, Falkland Veng Pastor Bial chuan October 10, Inrinni khan Synod Hospital Blood Centre tan thisen unit 27 an pe a, petute mipa 25 leh hmeichhia pahnih an ni.

BCM bial khawmpui

Mizoram Baptist Kohhran chuan October 9, Zirtawpni zan aṭang khan pastor bial hrang hrangah bial inkhawmpui leh rorel inkhawm an hmang a, nizan khan a ṭiak. BCM pastor bial inkhawmpuiah hian October 10, Inrinni chhun khan rorel inkhawm neih a ni a, kohhran aṭanga thu lutte an ngaihtuah. BCM bial inkhawmpui hi pastor bial ṭhenkhatah chuan kum kar thlakin an nei ṭhin nia thu dawn a ni.

Pistol man

Mizoram Police leh Assam Rifles ṭang dun chuan October 9, 2026 khan Falkland Vengah C Zarzoliana (48) s/o C Laltuma, Kawlkulh North hnen aṭangin tualchher pistol, .22 caliber nia hriat registration number awm lo leh a siam kum pawh chuang lo, Rs 30,000 man hua chhut an man. C Zarzoliana hian arms licence a nei loa, a lakah hian Bawngkawn Police Station-ah thubuai ziah luh a ni.

Ruihhlo man

Assam Rifles chuan October 9, 2026 khan Zokhawthar Crossing Point-ah mi pakhat hnen aṭangin methamphetamine kg 4.444 an man a, Champhaia Excise & Narcotics department hnenah an hlan chhâwng. October 8, 2026 pawh khan AR leh Zokhawthar Police thawk dunte'n Zokhawthar Iron Gate bulah mi pahnih hnen aṭangin heroin gram 25 an man bawk.

BSF medical camp

BSF 191 Battalion chuan October 10, Inrinni khan Rajiv Nagar-ah a thlawna inentirna, Free Medical Camp cum Civic Action Programme an buatsaih. Mi 150 vel hriselna dinhmun an endik a, a thlawnin damdawi an pe a; infiamna bungrua, stationery bungrua leh puanṭhui khawl an sem bawk.