Truck-in mi pakhat a su hlum

November 10, Pathianni chawhnu dar 2:30 vel khan Phunchawngah truck MZ-02 A-1109 chuan kawngpui sira ding two wheeler leh a khalhtute súin a hnâwl a, mi pakhat thiin, pakhat dang a hliam.

Thu dawn danin, truck hi Sairang lam pana tlân niin, ruahsûr bàn nghâka kawngpui sira two wheeler leh a khalhtute ding chu a hnâwl a ni. Kawng sira awm zinga mi David Lalhruaitluanga (43) s/o Chawnglianṭhuama, Chaltlang Mualveng chu Aizawl Civil Hospital thlenpui a nih hnuah a hliam tuar loin a thi a; Lalhmangaihsanga (21) s/o H Vanlalruata, Siaha chu na takin a hliam bawk. Truck khalhtu Md.Ali Ahmed Barbhuiya (29) s/o Chandu Mia Barbhuiya (L), Rajnagar, Cachar district chu man a ni.