Lungleiah CATC-116 zawhfel a ni

2 Mizo Battalion National Cadet Corps (NCC)-in 2nd Battalion Mizoram Armed Police (MAP) Complex, Luangmual, Lungleia September 30 aṭanga ni 10 awh Combined Annual Training Camp (CATC-116) an buatsaih chu October 9, Zirtawpni khan zawhfel a ni.

CATC-116 ah hian Mizoram laili leh chhim lama sikul leh college hrang hranga NCC Junior Division (JD), Junior Wing (JW), Senior Division (SD) leh Senior Wing (SW) aṭangin cadet ṭhahnem tak an tel. Ni 10 chhung hian cadet-te chuan sipai lâm (drill), silai leh ralthuam chelek, ram lem (map) en dan, ramhnuaia chettlat dan, infiam leh taksa sawi zawi, hruaitu ṭha ni tura thil pawimawh leh khua leh tuite mawhphurhna hrang hrang an zir.

Infiamna leh thil hrang hranga intihsiakna buatsaih a nih bakah, mi thiam sawm bikte nen thupui hrang hrang zirhona leh sawihona hun hman ṭhin a ni.

Camp kharnaah camp commandant Lt Col Crossmawi L Hmar chuan cadet-te chu an thu awihna leh hlawhtlinnaah a lawmpui thu sawiin, CATC-116 buatsaih nana an hmun hma leh hmanruate phal taka hmantirtu leh zo taka dawltu, 2nd MAP Commandant leh a thawhpuite chungah lawm thu a sawi.

Camp chhunga inelna leh thil tihna hrang hranga ti ṭhate lawmman sem a ni a, cultural programme nen camp hi zawhfel a ni.