Police-in kuhva rah an man

Mizoram Police-a Serchhip District Executive Force, East Lungdar Beat Post leh North Vanlaiphai Police Station te ṭangho chuan October 10, 2026 zing khan East Lungdar-ah Myanmar aṭanga tawlh ruk nia hriat kuhva rah tam tham tak an man.

Police-te'n kuhva rah an mante chu truck pathuma phurh a ni a, a vaiin ip 280 (kg 21,000) niin, cheng nuai 63 hûa chhût a ni.

MZ-04 9575 khalhtu Lalnunpuia (30) s/o Lakkunga, Ruantlang hnen aṭangin kuhva rah ip 120 (kg 9,000), MZ-01 N-6267 khalhtu John Langzathang (19) s/o Vunginkhupa, Champhai Vengthar hnen aṭangin ip 80 (kg 6,000) leh, MZ-02 A-8799 khalhtu Laldanmawia (19) s/o Lalrohlua, Tlangsam hnen aṭangin ip 80 (kg 6,000) man a ni a; Keiṭuma Customs Preventive Force hnenah hlan an ni.