World's Top 2% Scientists-ah Mizo pahnih

Khawvela mithiamte zirchianna (research impact) enfiahtu Stanford University (USA) leh Elsevier ten an buatsaih, World's Top 2% Scientists 2026-ah Mizo pahnih - Dr Lalduhsanga Pachuau leh Dr Samuel Lalṭhazuala Rokhum te an tel.

Dr Lalduhsanga Pachuau hi Assam Univer-sity, Silchar-a Department of Pharmaceutical Sciences-a thawk mek a ni a; Dr Samuel Lalṭhazuala Rokhum hi National Institute of Technology (NIT) Silchar-a thawk mek a ni.

Dr Samuel Lalṭhazuala Rokhum hi a záwnin kum thum - 2024, 2025 leh 2026-ah te World's Top 2% Scientists-ah a tel tawh a; Energy leh Strategic Technologies zirchiannaah khawvel huapin a thawh hlâwk a, a sub-field bikah khawvelah 1,805-na niin, H-index 23 leh Hm-index 10 a nei.

Dr Lalduhsanga Pachuau hian damdawi siam chhuah leh a kaihhnawih zirchianna (Pharmaceutical Sciences) lamah research paper eng emaw zat a tichhuak tawh a; Society for Pharmaceutical Education (SPER), India leh Thai Industrial Pharmacist Association, Thailand buatsaih 'Young Scientist 2019' (Pharmaceutical Science) atan thlan a lo ni tawh.

Stanford University leh Elsevier hian khawvel pum huapa Scopus database hmangin zirchianna paper chhuah tam zawng ringawt ni loin, paper-te mi dangte'n an hmanna leh a taka an thawh hlâwk dan teh chungin khawvel pum huapin a ber 2% an thlang ṭhin a ni.