BoB-in TNT hnenah ṭanpuina pe

Bank of Baroda chuan nimin khan Thutak Nunpuitu Team (TNT), Muanna Vengah buhfai, dailuah, bekangsa, tél, purunsen leh purunvar ṭhahnem tak an pe.

Bank of Baroda corporate social responsibility (CSR) hmanga thilpekte hi Bank of Baroda executive director Lal Singh-a'n TNT general secretary R Malsawmtluanga hnenah a hlan a; Bank of Baroda NE Zonal head & general manager Pada Nayak leh Guwahati regional head & deputy general manager Diwakar Jha ten an ṭawiawm.

Lal Singh chuan, khawtlanga mi harsa leh ṭanpui ngaite chhawmdawl chu Bank of Baroda thil tum lian tak a nih thu sawiin, "TNT hian chanhai leh riangvaite enkawl kawngah hma in la nasa a, in thawhrimna leh theihtawp chhuahna hi kan ngaihlu hle a ni," a ti a; mipui rawngbawlna leh thil ṭha thlen zel turin Bank of Baroda-in theihtawp an chhuah zel dawn thu a sawi.