KHAWTHLIR

HBC-in thisen pe

Hrangbana College NSS chuan nimin khan thisen pek an huaihawt leh a, Civil Hospital, Aizawl tan thisen unit 42 an pe a, petute hmeichhia 22 leh mipa 20 an ni.

Kawng bal tlawh

PHE department leh Disaster Management & Rehabilitation department enkawltu minister Prof. Lalnilawma chuan nimin khan Vaivakawn Zohnuaia kawng bal leh tlahniam a tlawh a; DMR special secretary Sushil Singh, PHE secretary Zodingpuii leh DMR director Lalnundika ten an ṭawiawm.

DoNER Secy-in Zokhawthar a tlawh

Ministry of DoNER secretary Srinivas R Katikithala chuan nimin khan Zokhawthar leh Keilungliah tuikhuah a tlawh. Srinivas R Katikithala hian Zokhawtharah Assam Rifles hmun tlawhin, AR hotute nen an inkâwm a, Land Custom Station a tlawh bawk. DoNER senior economic adviser Nilambuj Sharan, Agriculture secretary Ramdinliani, Horticulture secretary Maria CT Zuali leh Champhai district-a sorkar official-te'n an ṭawiawm a ni.

Portable Carp Hatchery dawng

Rabung Fishery Society chuan ICAR - Central Institute of Freshwater Aquaculture, Bhubaneswar, Odisha kaltlangin Portable Carp Hatchery an dawng a, nimin khan inhlanna hun hman niin, Khawzawl bawrhsap K Vanlalṭhiana'n a hmanpui. Rabung Fishery Society member-te chu Fisheries lam mithiamte'n khawl hman dan an zirtir nghal a ni.

BJP Help Desk

BJP, Aizawl district chuan 'Seva Sankalp Abhiyan' (mi dang tana luan chhuah hun) kal zelah nimin khan Vanapa Hall kawtah Seva Setu Abhiyan mamawhtute puihna tur Help Desk an buatsaih. Help Desk-ah hian PM healthcare ccheme, kum 70 chung lamte tana golden card neih theihna leh PMAY te a hmunah an tihsak a ni. Vawiin hian Aizawla BJP pisaah leh naktukah Vanapa Hall kawtah an chhunzawm leh ang.