BIS chungchang zirho a ni

Mizoram sorkara Food, Civil Supplies & Consumer Affairs department leh Bureau of Indian Standards (BIS), Kolkata Branch chuan nimin khan IPR Lianchhiari Rûn conference hall-ah BIS certification buaipui dan zirhona an buatsaih a, Mizoram sorkara department 10 aiawhte an tel.

'Workshop on BIS Certification Process for officials of selected departments of Mizoram’ hi FCSCA deputy director Esther Leihang-in a kaihruai a; joint director Malsawmtluanga'n thu sawiin, "BIS hi ram pum huap pawl pawimawh a ni a, India rama kan bungraw hmante a ṭha tawk em tih enfiahtu leh bungruate a ṭhat dan mil zela chhinchhiahna petu an ni," a ti.

BIS chungchang zirhonaah hian Mizoram sorkara department 10 aṭangin mi 30 vel an tel a; BIS, Kolkata-a scientist-D/joint director Barun Das-a'n BIS chungchanga thil pawimawhte a hrilhfiah a ni.