Aieng sâwngbâwlna khawl inhlan

Serchhip DC pisa leh SELCO ṭang kawpin 'Project Thlai & Thei' hmalakna hnuaiah nimin khan Chhingchhipa self help group 'Hmasawnna Duhtu' hnenah nizung chakna hmang aieng sawng-bawlna khawl an hlan.

Khawlte hi aieng zai lêpna (slicer), tihrona (solar dryer) leh her dipna (pulverizer) khawlte a ni a, ṭum khatah kg 100 sawngbawl thei a ni.

Serchhip bawrhsap Paul L Khuma chuan, aieng chingtute'n an thlai tharte hlâwk zawk tura an sawngbawl theih nan leh an hralh theih nan khawl pek an nih thu sawiin, eizawnna ṭha zawk siamna kawngahte a puih ngei a beisei thu kleh an hman ṭangkai dan en zui zel a nih tur thu a sawi. SELCO state lead Lalnuntluanga Colney-in SELCO hnathawh leh hmalaknate a sawi bawk.