Hmasawnna hnathawh mek tlawh

Minister of state B Lalchhanzova chuan Thenzawla sorkar hmunhma thawm ṭhat leh hmasawnna hna thawh mekte nimin khan a tlawh.

B Lalchhanzova chuan, khualzin leh sorkar mi pawimawh (VIP)-te tan hmunhma ṭha zawk neih a pawimawh thu a sawi a, "Mipuite tana pisa dawr nuam zawk a awm theih nan te, hunpui leh function pawimawh pawh dâwl zo thei tur leh sorkar inrêlbâwlna a chak lehzual theih nan te, sorkar hmunhmate thawm ṭhat mek a ni," a ti.

Thenzawl chu khualzinmite hîptu, ram dang mite pawhina an tlawh nasat leh Mizorama khaw pawimawh a a nih thu sawiin B Lalchhanzova chuan, sorkar hmunhma ṭha, thianghlim leh felfai tak neih a pawimawh thu a sawi.

B Lalchhanzova chuan, India hmar-chhaka a hmasa ber ni tur Thenzawl Heliport siam mek te, Thenzawl Venglaia SDO (Civil) quarters sak tur leh, Kanan Venga pisa sak ṭhat mekte a tlawh a; hmalak zel dan turte sawiho niin, hna thawktute chu rinawm leh ṭhahnemngai taka thawk turin a chah.

Minister of State hi Thenzawl SDO (Civil), PWD Building Division-a engineer leh architect leh sorkar official dangte'n an ṭawiawm a ni.