Túra chakai hraitute man an ni

Kolasib District Fisheries Development Officer (DFDO) chuan October 12, 2026 khan The Mizoram Fisheries Amendment Act, 2022 bawhchhiaa túr hmanga chakai hraitu mi pathum pawisa a chawitir a; pakhat a tlanbo mek.

Sorkar thuchhuah tarlan danin, October 6, 2026 khan Thingdawl rama Hmawngkai lui leh Tuikhuahmawng luia chakaite chu túr (glycel) hmanga hrai a ni a; chakai hraitu Ngaithanmangi, Thingdawl Kawnveng bakah, Sesawng Vengthar mi pathum - Vanlalkimi, Ruthi Lalawmpuii leh Lawmzuala te chu Kolasib DFDO pisaah koh an ni.

Hmeichhe pathumte chu DFDO pisaah inlanin, dan an bawhchhiat dan hrilhfiah an ni a, intiamkamtir an nih hnuah Mizoram Fisheries Amendment Act 2022 Section 10 hmangin Rs 2,000 ṭheuh chawitir an ni. Lawmzuala erawh chu a tlanbo avangin Kolasib Police Station-ah hriattir a ni a, zawn mek a ni.