Lakhuihthei, rawtuai, baibíng ṭín tlangzarh

Adviser to CM (Handholding) Dr KC Lalmalsawmzauva chuan nimin khan IPR Auditorium-ah Mizoram Food & Allied Industries Coorporation (MIFCO)-in lakhuihthei, rawtuai leh baibíng ṭín (canned) an siam a tlangzarh.

Dr KC Lalmalsawm-zauva chuan, MIFCO thawm ṭhat a nih hnua an hmasawnna chu hruaitute inpekna leh thawktute ṭhahnemngaihna vang a nih thu a sawi a, "Thlai leh thei thar kawngah chemical leiṭha hmang loa uar zawka organic farming kalpui zel a pawimawh. Bána Kaih scheme hnuaia thlai thlan bik panga lei chhunzawm zel turin sorkar a inbuatsaih zel," a ti.

MIFCO general manager H Lalrochama tarlan danin, MIFCO Centre, Chhingchhipa khawlte chu Handholding scheme aṭanga hmuh cheng nuai 24 hmangin thawm ṭhat a ni a, kum 15 hnuah hna an thawk mumal leh ṭan. Kum 2026 chhung hian baibíng, lakhuihthei leh rawtuai ṭín 10,279 an siam tawh a ni.