KPP inkhawmpui ṭan a ni

Kohhran Pavalai Pawl (KPP) Rampum Huap Intawhkhawm vawi sarihna chu nizan khan Serchhipa Leisekawt Field-ah ṭan a ni a, naktuk Pathianni zanah a ṭiak ang. Inkhawm­pui thupui chu 'Krista sipai huaisen' tih a ni.

Inkhawmpuiah hian Mizoram Synod puipate'n Pathian thuchah an sawi dawn a, inkhawm apiangin Mizoram Synod Choir leh bial leh kohhran hrang hranga pavalai zaipawlte an zai ang. Inkhawmpui hmang tur hian nimin tlai dar 4:3 thleng khan palai 3,089 an thleng tawh.

KPP hi Mizoram Presbyterian Kohhrana tualchhung kohhran 698-ah din a ni tawh a, chung zinga panga chu Mizoram páwna mi an ni a; member 52,576 an awm mek a ni.