KHAWTHLIR

Lirthei sut vangin Delhi-ah Mizo thi

B Lalnunpuii (29) d/o Helen Lalzikpuii, Ramhlun Venglai chu hna a thawhna Delhi-ah lirtheiin a sut avangin October 15, Ningani zan dar 11:25 khan a thi. Thu dawn danin, B Lalnunpuii hi September 16, 2026 zan khan hna a thawhna aṭanga a haw lam chu lirtheiin a sú a, na takin hliamin, damdawi-in ICU-ah enkawl nghal a ni a, october 15 zan khan a thi a ni. B Lalnunpuii ruang hi vawiinah rawn hawpui theih beisei a ni.

NH thawm endik

Serchhip DC Paul L Khuma hoin nimin khan Serchhip leh Aizawl inkar kawngpui (NH-02)-a che zual laite thawm ṭhat mekte endik a ni. Bawrhsap chuan, October 17, 2026 aṭangin DC office-a NH staff-te chu ni tin kawng thawm hna thawh dan vil turin a hriattir a; thil dik lo a awm loh nan kawngpuiin a paltlang khuaa tlawmngai pawlte'n an vil mek thu contractor KRAM Infracon hotute a hrilh.

Zangnadawmna pe

PWD Project Implementation Unit chuan nimin khan an pisaah Aizawl Western Bypass Road siamnaa Sihhmui leh Muallungthu inkara ram neitu mi 185-te hnenah zangnadawmna cheng vbc 7.4 an sem ṭan a; October 23, 2026-ah sem zawh hman an inbeisei.