MCAB-in loan vbc 18.56 pek remti

Mizoram Cooperative Apex Bank Ltd. (MCAB) Board of Directors chu nimin khan MCAB pisaah an ṭhu a, loan cheng vbc 18.56 pek chhuah an remti. Ṭhutkhawm hi MCAB chairman Lalnunsanga'n a kaihruai a; mimal loan dilna 63 leh biak-in sakna loan dilna 22 pek turin an pawm a, a vaiin cheng bvc 18.56 a ni.

MCAB hian Mizorama Multipurpose Primary Agriculture Credit Societies ( MPACS) ding tharte tan August 14-16, 2026 chhung khan an Head Office-ah Basic Accounting Training an buatsaih a, MPACS 15 aṭangin mi 27 an tel. Training-ah hian accounting vawn dan, Common Accounting System hnuaia lehkhabu enkawl dan, MPACS hnuaia hmalak theihte an inzirtir a ni.

Apex Bank hian Mizoramah branch 37 leh ATM booth 45 an nei mek a; financial year kal mekah sum dawn (deposit) vbc 1,907 nei tawhin, loan cheng vbc 1,300 an pe chhuak a; sum dawn aṭanga loan pek chhuah tehfung credit deposit ratio chu 68.22% a ni.