Mizo nu-in Rome, Italy-ah FAO chawimawina a dawng

ZT Lalrithangi, Sangau, Lawngtlai district chuan hlawhtling taka strawberry a chin avangin October 8-16, 2026 chhunga Italy khawpui Rome-a neih World Food Forum-ah khawlvela hmeichhia loneitu hlawhtling (Women Progressive Farmer) chawimawina a dawng.

ZT Lalrithangi hian kum 2024 aṭang khan strawberry ṭiak 1,000 chíngin bul a ṭan a, tunah chuan ram hectare 2.5-a zauah strawberry 10,000 chuang a nei tawh. Hei vang hian UNO hnuaia Food and Agriculture Organization (FAO) chuan chawimawina dawng turin a thlang a ni. Chawimawina dawng tur hi khawvel pum aṭangin mi 131 an awm a, India ram aṭangin ZT Lalrithangi bakah, mi dang pakhat a tel.

100 Women Heroes in Agri Food Systems and Rural Development chawimawina dawngtu ZT Lalrithangi hi October 18, 2026 hian Mizoram a lo thleng dawn a; Horticulture department chuan minister C Lalsawivunga pisaah October 19 khian lawmpuina hun an buatsaih dawn a ni.