MZU-in jubilee pualin hun hmang

Mizoram University (MZU) chuan MZU silver jubilee pualin October 15-16, 2026 chhung khan MZU Multipurpose Hall-ah thisen pek rûnpui leh TB, AIDS/HIV leh Organ Donation chungchang inzirtirna leh a thlawna inentirna an buatsaih.

Ni hnih chhunga Voluntary Blood Donation Camp-ah hian MZU zirlai leh thawktute'n thisen unit 157 an pe a, petute mipa 125 leh hmeichhia 32 an ni.

Jubilee puala hun hman hi MZU National Service Scheme (NSS) unit, Red Ribbon Club, MZU Students' Union, Mizoram State AIDS Control Society, Doctors Against HIV/AIDS, State Organ and Tissue Transplant Organization leh National TB Elimination Programme te ṭangho buatsaih a ni.